انت عايش ليه؟ لو عندك إجابة ع السؤال ده ومتأكد أنها صح أحب أهنيك وأقولك "أنت من الأحرار يا علي"، أما بقى لو زي حالاتي ومعندكش فكرة أصلًا أنت عايش ليه وإزاي وسألت نفسك كتير مرسيتش يوم على بر فأحب أقولك احنا داخلين على أيام سودا.
لحد امتى هتفضل عايش اليوم بيومه وبتصحى علشان تنام وبتنام علشان تصحى، ومش عارف أنت رايح على فين؟ لحد امتى هتفضل بتروح الكلية اللي انت مش حاببها أو بتشتغل الشغل اللي انت مش بتحبه وبتصاحب ناس مش بترتاحلهم ومش بتصارح البنت اللي بتحبها بمشاعرك وبتلف في دايرة روتين واحدة
والـ (to-do list) بتاعتك عمالة تطول تطول، ومفيش حاجة فيها بيتعملها check ؟
لو معندكش خلفية ان اليوم اللي بتعيشه في حياتك ده هيروح مش راجع تاني، ومفيش فرصه تعوضه، فياريت تاخد بالك بقى، اللي راح يمكن يكون مش قد اللي جاي، وعمرك اللي انت عمال تبعزق فيه ده أنت هتعيشه مرة واحدة بس، ويا صابت يا خابت، مفيش فرصة تعمل سكور حلو وتاخد حياة تانية، ومفيش فرصة ترجع أصغر مما انت عليه دلوقتي، فالحق نفسك قبل ما يبقى too late.
متعملش حاجة انت مش شايف نفسك فيها، ومتأجلش حاجة انت عايز تعملها واخلق الفرصة علشان تحقق اللي انت عايزه بجد، دور على اللي شبهك من الحاجات والناس وعيش. جرب كل يوم تعمل حاجة جديدة مجربتهاش قبل كده، اتعرف على ناس كتير ووسع دايرة معارفك وحياتك، ابعد عن زحمة الحياة ومشاكلها ودور جوه ذاتك -أهرامتك واللي على السد- على نفسك، اعرف انت مين قبل ما تلاقي العمر جري بيك وانت مش عارف نفسك.
وفي الآخر، متستناش الفرصة تيجب تخبط على باب حضرتك، ودور وعافر وانت هتلاقي، محدش بياكلها بالساهل، ومحدش مرتاح، والجزاء من جنس العمل، وإن ليس للإنسان إلا ما سعى، وزي ما قال الكبير عمر طاهر (إن كان في حياتك ثمة شىء يستحق التأجيل، فليكن التأجيل نفسه).
---------------
نُشرت في جريدة التحرير باب "أكتر من 140 حرف" عدد الخميس 3 إبريل
2014
لحد امتى هتفضل عايش اليوم بيومه وبتصحى علشان تنام وبتنام علشان تصحى، ومش عارف أنت رايح على فين؟ لحد امتى هتفضل بتروح الكلية اللي انت مش حاببها أو بتشتغل الشغل اللي انت مش بتحبه وبتصاحب ناس مش بترتاحلهم ومش بتصارح البنت اللي بتحبها بمشاعرك وبتلف في دايرة روتين واحدة
والـ (to-do list) بتاعتك عمالة تطول تطول، ومفيش حاجة فيها بيتعملها check ؟
لو معندكش خلفية ان اليوم اللي بتعيشه في حياتك ده هيروح مش راجع تاني، ومفيش فرصه تعوضه، فياريت تاخد بالك بقى، اللي راح يمكن يكون مش قد اللي جاي، وعمرك اللي انت عمال تبعزق فيه ده أنت هتعيشه مرة واحدة بس، ويا صابت يا خابت، مفيش فرصة تعمل سكور حلو وتاخد حياة تانية، ومفيش فرصة ترجع أصغر مما انت عليه دلوقتي، فالحق نفسك قبل ما يبقى too late.
متعملش حاجة انت مش شايف نفسك فيها، ومتأجلش حاجة انت عايز تعملها واخلق الفرصة علشان تحقق اللي انت عايزه بجد، دور على اللي شبهك من الحاجات والناس وعيش. جرب كل يوم تعمل حاجة جديدة مجربتهاش قبل كده، اتعرف على ناس كتير ووسع دايرة معارفك وحياتك، ابعد عن زحمة الحياة ومشاكلها ودور جوه ذاتك -أهرامتك واللي على السد- على نفسك، اعرف انت مين قبل ما تلاقي العمر جري بيك وانت مش عارف نفسك.
وفي الآخر، متستناش الفرصة تيجب تخبط على باب حضرتك، ودور وعافر وانت هتلاقي، محدش بياكلها بالساهل، ومحدش مرتاح، والجزاء من جنس العمل، وإن ليس للإنسان إلا ما سعى، وزي ما قال الكبير عمر طاهر (إن كان في حياتك ثمة شىء يستحق التأجيل، فليكن التأجيل نفسه).
---------------
نُشرت في جريدة التحرير باب "أكتر من 140 حرف" عدد الخميس 3 إبريل
2014
ليست هناك تعليقات:
إرسال تعليق