من دفاتري القديمة -مقتطفات-

الصـراع بين ما تريـد أن تفعلـه .. وما يجـب أن تفعـله ..
وإختيـار الإنسحـاب إلى واقع خيالي.. بنهايته تصطدم بالواقـع، فتجد أن ما كان يجب أن تفعلـه يطـاردك بهدف أن يسترد حقه منك ..
الحكمة: دع كل شىء لوقتـه.
-عـارف لمـا تعمل حاجة وأنت عارف ومتأكد إنك هتندم عليهـا، وتعمـلها برضه؟
وكـأنك بنتنقم من نفسك بشكل أو بآخـر ..
-عـارف بقى الإختيارين اللي بتبقى محتـار بينهـم وعارف إن كـل واحد فيهـم هيضايقك بطريقـة ما، فبتقرر بمنطق -إنت تفضّل تتضايق بأنهي طريقة-، أو على أساس -أي قرار منهم هيضايقك أقل- !
-احترس من اللحظة التي سيعاتبك فيها ضميرك بكل خطاياك قبل أن تنام.
-إنك تعمـل الصح بطريقة غلط .. زي إنك تعمل الغلـط بطريقة صح.

-مفيش حاجة عدت مكانش ليها لازمة فى المشوار ..
الطوبة اللى كعبلتك علمتك تاخد بالك من الطريق .. !
-الشىء الوحيد المثير للكآبة فعلا في سرعة رتم اليوم وتلاحق أحداثه، هو عدم وجود وقت كافي للإستماع إلى أغنية كاملة للست -أم كلثوم- أو إستعادة ذكريات "قارئة الفنجان"، أو حتى التطلع إلى كوباية شاي وأغنيتين لجورج وسوف ..
ألا يوجد مكان للطرب في مثل هذا العالم؟

#حكمة_اليوم اللى يسأل يتوه أكتر .. مفيش حد هيقولك معرفش .. الرغبة الفظيعة فى انه يساعدك هتخليه يقولك أى معلومة يعرفها حتى لو ملهاش علاقة باللى بتسأل عليه .. لأن ببساطة أكيد انت اللى بتسأل غلط مش هو اللى ميعرفش المكان !
-والمثير للدهشة إنى بأعيش كل يوم بشخصية شكل ..
-فيه ناس حبهم فرض عين ..
-إنني أمقـت ذلك الشعـور السخيـف بالتخلـف ..

وأكـره التقليـدية وأتقـزز من كلمـة "عـادي" ..
حتى إننـي أسـأم التغييـر المستمـر، فإنـه بذلـك ينضـم لقائـمة الـ"روتين" ..

-لابد أن تدرك أن قواك العقلية ليست في أفضل حالاتها حينما تفكر في الإنتحار فقط، لكسر حالة من الملل.

-- اختلفـت البدايات، والنهايات واحـدة.

من دفاتري القديمة -الأجازة-

ظلت تدور بغرفتها لساعات لا تدرى كيف تـُبدل حالة السأم التى اعترتها،
حاولت التغلب عليها بمحادثة بضع أشخاص عن طريق الواقع الإفتراضى المعروف بأنه يلتهم الوقت، لكن لا فائدة، إنهم يزيدون الوضع سوءاً .. "الناس كلها كده تقريباً!"
عدة مشاهد من أفلام ومسرحيات مختلفة كالتى تأتى كل عيـد، "مفيش أى جديد".
أمسكت بورقة ما وقلم وممحاة وحاولت أن ترسم، بعد دقائق تذكرت أنها لا تعرف الرسم! بعدما أحبطت من نتيجة محاولتها اليائسة للخروج من دائرة الضجر .. أمسكت بالورقة لثوان وتأملتها ثم مسحت ما بها من خطوط متشابكة، ولم تكتف بذلك بل مزقتها وتركتها فى سلة المهملات.. "مفيش فايدة" ..
نظرة سريعة -أو طويلة- على مواقع التواصل الإجتماعى جميعها .. لا شىء .. لا شىء على الإطلاق ..
تناولت كتاب كانت قد اشترته من أيام، حاولت القراءة .. بعد فترة أدركت أنها تمر بعينيها على السطور دون أن تفهم شيئاً مما قرأت .. لا بأس .. إنه ليس بالوقت المثالى للقراءة على كل حال.
ربما الكثير من الأغانى قد تحدث القليل من التغيير.
"مفيش فايدة".
حتى الشيكولاته لم تستطع أن تجلب لها سعادة وقتية.
"فيه ايه لسه مجربناش نعمله؟" تذكرت ما عليها من قائمة طويلة بالأعمال كانت قد تحاول الهروب من تذكرها ..
"بس أصلاً اليوم خلص!"
أمسكت بلوحة المفاتيح وراجعت ما فعلته طوال اليوم ..
يوم مـُثمِر الحقيقة يستحق أن نشـارك الناس به.
"احنا ملناش فى الأجازة أصلاً".

16-10-2013

عيد الأمل.

سيـأتى نهارٌ جديـد محملٌ بالأمـل ..
حتمـاً سيـأتى يومـًا مـا، ولنأمـل أن يكون الغـد ..
سيمـحو آثار الحزن ويرسم الإبتسـامة فوق الشفـاه ..
سيربـت فوق قلوبـنا .. سيرفق بحـالنا ..
سيعيد إلينا القدرة على الحلم ..
سنحـلم سويـًا بعيـد سعيد ..
متجـاهلين كل صرخـات الألم من قلب الوطـن.
عيـدٌ سعيـد ..
متجـاهلين كل الكره الكائـن بيننا..
كل المعـاناة والغربة والأنين والفقد.

عيـدٌ سعيد ..
فما العيـد إلا .. الأمل.

عزيزي الله،

أحتاجك بشدة..
ربما أكثر من أى وقت مضى..
لا أعلم متى ستنتهى رحلتى لألقاك، لكننى أخشى اللقاء..
لا أدرى كم من الوقت يلزمنى لأدرك إنك الوحيد القادر على حمايتى من شر نفسى..
لا أدرى..
أنتظرتك طويلاً ،لكننى علمت أن الإنتظار وحده لا يكفى..
يجب على أن أسعى نحوك ولو بخطوات بطيئة متثاقلة تستغرق سنوات عدة، يجب أن أستمر فى السعى..
أحتاج إليك لأننى تأكدت من أن الأمر كله بيديك..
وأن العالم أجمع لا يعنينى..
وأن الناس جميعاً لن يظلوا إلى جانبى..
وحتى لو فعلوا، لا أحد قادر على أن يساعدنى.. إلا أنت.
ربى، ضـاقت بى السبل .. فمن لى سواك يفرجهـا.

يـارب ..
أنـا مش عـارفة أنا عايـزة إيه علشـان أطلبه منك ..
بس عـارفة إنك عارف ..
علشان كده بأطلـب منك اللي أنت عارف إنى عايزاه وأنا مش عارفـاه ..
يـارب ..
أنا عُمـري قصير ،وبيخلـص مني بسُرعة ..
خـايفة أمـوت قبل أما أعيـش ..
يـارب ..
أنـا حقيقي مش عـارفة ..
اوهبـلي من عندك، نـور.أنا أدفـع كُـل عُمـري
وأفهـم ..
وبجـد
بـأدفـع كُـل عُمـري
ومـش بأفهـم حـاجة.
صباح البحر ..
صباح محبة في عشق جاهك
صباح تشرق شمسه بكلمة منك
ويوم ما تؤمر تغير مسارها
و م الغرب تطلع
انا يومها هأزعل جايز
بس هأفرح أكتر
الدنيا خلصت
ولحد يومها
صباح هواه بارد حنين على قلوب الغلابةبحق ها الأدان .. تطيب خاطرنا برضاك.
بحق كل الحزن .. ترزقنا فرحة.
وبحق الدعا .. تستجيب.

لقطات متفرقة

ممكن نعتبرها فضفضة ؟
أنا بحب الغنا .. بحب الجناين والبحر والورد واللون الأزرق .. بجب أقرا رواية وأعيش جواها ..بحب الأكل .. وخصوصاً لما يكون أكل بحبه .. بحب الصور اللى مكنتش عارفة فيها إنى بأتصور .. وبأكره كل صورة ملهاش أى لازمة غير مجرد التصوير .. بكره إبتسامة الكاميرا.
بحب أعرف إن الناس ليها حكايات وعوالم تانية معرفهاش بس بأكره أعيش حكايتهم هم وأنسى أكمـّل حكايتى .. مبعرفش أحب حد آه .. بس بعرف أحب صفات، بحب الجدعنة والشهامة .. بحب الكرم والجود .. بحب البساطة والصمت، والغموض و الوقار، والإلتزام والإحترام، التأدب وخفة الدم، الإحتشام.بحب حب ربنا وإن كنت مش عارفة أحبـه كما ينبغى .. بحب أسمع أكتر ما أتكلم بس يمكن من كتر السكوت نسيت الكلام.. او أدركت قد ايه الكلام ملوش أهمية أنه يتقال فأسكت أحسن، وأتقـّل ليه كتـابى بلسـانى؟
أنا بحب دور الكبار من وأنا صغيرة .. عمرى ما كنت صغيرة .. بس التطور أساس الإستمرار فى الحياة والناس كلها بتكبر .. إلا أنا .. عجزت من زمــان .. ! ورا كل فكرة فى دماغك مليون قبلها .. ورا كل كلمة فيه حكاية جواك .. أنت نفسك مش عارفها .. بحب النوم علشان فاصل فى حياة مجبورين عليها ممكن تعمل فيه اللى أنت عايزة وفى الآخر مهما غلطت قدامك دايماً فرصة تانية، لأن ده مجرد حلم !
*كيف يمكن للكتابة أن تخرج من عقلى أفكار لم أكن أدرك أنها موجودة بالداخل *
هل أنسى أم أتناسى؟بحب شوية روايح كده مش فاكرة منهم حاجة دلوقتى ..*هنكمـّل امتى علاج طيب؟* دكتور نفسى هو الحل فى رأيك ؟ الحل جواك أنتِ !قدرة ربنا مديهالك جواكِ أنتِ بس .. الإرادة ! بحب أعيش وسط ناس لكن يبقى عندى القدرة دايماً أكون لوحدى. مش دى الحياة اللى سيادتك عايزاها ؟ طب الأوردر نزل خلاص ..هتدفـعى .. ولو حتى مطلبتيش أصلاً .. هتآكلى .. قدرتك بقى بجد إنك تتطلعى شبعانة و مبسوطة !
- لمـّا تبقـى فى مكـان مضلـّم لفتـرة طويـلة وتخـرج للنـور أكيد عينيـك بتوجعك،
ولمـّا تبقـى مش شـايف الحقيقـة لفتـرة طويـلة وتشـوفها .. أكيـد قلبـك هيوجعـك.

-الواحـد بيحتـاج وقت كبير أوى علشـان يحس معنـى جملـة زى دى :
"إن حجـب الله عنك شيـئاً تحبـه، فـلا تحزن فـإن عطـاءه رحـمة، وحجبه حكمـة"
اللهم ارزقنا صبراً يصاحبه حسن ظن بك.
"رب خيرا لم تناله، كان شرا لو أتاك."

-من الرائـع ألا يستمـع الآخـرون إليك، فعنـدها يمكنـك قـول كـل ما تريـد قـوله مهمـا بلغ من الوقـاحة فلا أحـد يهتـم علـى كـل حـال.

-الواحد بقى بيظلم نفسه أكتر ما الدنيا بتظلمه.

-وكأنما أفاقت لتجد روحها قد حُبست بجسدٍ لا تعرفه، يُخاطبها أناسٌ طوال الوقت يبدون وكأنهم يعرفونها جيداً،من هؤلاء! هذة تعاتبها بأنها لم تتصل، وتلك تسألها عن أشياء تبدو للعامة أمور عادية لكنها لا تفقه منها شىء، أسئلة كـ "كيف حالك" أو "بما تشعرين الآن" ، إنها لم تعد تدرى حتى ما هو الشعور، وما معنى أن يشعر الواحدٌ منا بشىء فيترجمه إلى كلمات، هى تنتمى إلى كيانٍ آخر لم تعد تتذكر ماهيته، لكن الجميع يؤكد أنها هى هى.

-حبة ساعات .. ملهمش لازمة .. أو ليهم .. على حسب
لو حسبت كسبت ايه وخسرت ايه فى الكام يوم اللى عشتهم على الأرض احتمال كبير تطلع خسران ..

هو احنا ربنا خلقنا ليه ؟ ليه فيه شر على الأرض ؟ ليه قابيل قتل هابيل ؟ طب حس بإيه بعد ما قتله ؟ عاش حياته كلها بذنب عمله ... يعنى لحظة واحدة قرر فيها قرار خربت بقية حياته .. طب احنا ليه كتيير كده ؟ مش كان ممكن ربنا يخلقنا عدد صغيّر من الناس .. ليه كل الأعداد دى ؟ طب احنا من بداية الخليقة لحد دلوقتى أكتر ولا النمل مثلاً ؟ طب مين أهم ؟ العقل اللى بنتولد بيه ده فعلاً شغال ولا بيحتاج نعمل حاجة علشان نشغله ؟ الدنيا مالها حر كده ليه !

ايه مشاكلك فى الدنيا يعنى ؟ ايه اللى بيؤرقك فى حياتك ؟! طب الدنيا موقفتش ولا الأرض توقفت عن الدوران ولا القمر انشق ولا الشمس طلعت من المغرب ولا رفعت الأقلام وجفت الصحف .. يبقى أى مصيبة غير كده هينة !
كلام رومانسى حالم غير واقعى على الإطلاق ؟
مسيرك هتعرف ده بنفسك أنا مش محتاجة أقنعك بيه دلوقتى .. كلها أيام وكلنا نتأكد من الحقيقة دى بنفسنا ..
كم مرة تخيلت مشهد البعث؟ الحساب ؟ يوم القيامة ؟ متخيل أنك ممكن تدخل النار أصلاً ؟ لأ كده الكلام قلب على ترهيب بعض الشيوخ و"حراااااام" و"والله العظيم كلكوا هتنزلوا تحت" والجو ده .. ما علينا ؟

ما علينا .. هى ليه كل الناس بقت بتتكلم فى السياسة ؟ حتى أنا جبت سيرتها أهو .. ليه مش كلنا بنتكلم فى الدين .. بلاش دى علشان بقت عقدة عند الناس الله يسامحه اللى كان السبب .. ليه مش كل الناس بتتكلم فى القراءة مثلاً مع إنه موضوع خطير برضه .. طب يتكلموا فى الطبيخ .. فى الحب .. فى أى حاجة تانية .. ليه السياسة بالذات اللى الناس هنا كلهم بيتكلموا فيها .. بلا إستثناءات .. !
علشان حياتنا هى السياسة وإلى آخر النوع ده من الكلام .. ما علينا ؟

ما علينا .. موضوع التحرش بجد حاجة مقرفة أوى ! ازاى انحططنا لمنزلة الحيوانات للدرجة دى ؟
وعموماً البنات ليه دايماً بيتعاملوا على أنهم كائنات أقل .. مواطن درجة تانية .. ناقصات عقل ودين.

ما علينا .. ليه مواضيع الحياة فى العالم بتاعى قليلة أوى كده؟ ولا هى قليلة أوى كده أصلاً فى العالم بتاعكم كمان؟
التقليدية والروتين دول مش بيموتوكم ازاى ؟
أنا ممكن أكون أنا اللى تفكيرى غلط من الأساس ..
بس حقيقى مبقيتش فاهمة أى حاجة من اللى بتحصل فى العالم
أنا جيت هنا أعمل ايه ؟ وازاى ؟ طب وأنا موقفى ايه من الإجابات لما أعرفها ؟
مش عارفة
أكتر كلمة مزعجة فى التاريخ

وإقتباساً لجملة من "حسنى محمد"
"لسبب ما تمنحنا المعاناة نظرة فلسفية نحو الأمور ، نظرة نبرر بھا لأنفسنا سوء الأوضاع ببعض الفلسفة الملتوية ، و برغم ان ھذا نوع من خداع الذات، إلا أنه أفضل كثيرا من أن تمنحنا المعاناة أسباباً مقنعة للإنتحار".
-"الإفراط فى الأمل كالإفراط فى اليأس".

- ايه المميز فى انك تكون بتمتاز عن غيرك من البشر اللى بيمتازوا عنك لاننا كلنا مميزون!؟
ازاى تحس انك ممكن تعبر عن اللى جواك فى أمان الله من غير ما يطلعلك عشرين واحد فى نفس ذات اللحظة ليؤكدوا وبإستماته انهم يشاركونك نفس الأحاسيس ونفس المعاناة وبأنك لابد وأن تكون قد قرأت أفكارهم!؟
يعنى احنا مجرد نسخ مكررة تمشى على الأرض؟ وبالإستناد للمثل الشائع "يخلق من الشبه أربعبن"، احكيلى ممكن تحس بالتميز ازاى وانت فيه 39 بنى آدم شبهك شكلا؟ وآلاف شبهك مضمونا!
-وليه كل حاجة كان المفروض انها بتفرحك بقت بتزود حزنك ؟

-#عن كل مرة احتجت لنفسى فيها وملاقتنيش.

-#عن حقيقة إن مفيش أى حاجة ممكن تعوض مكان حاجة ناقصة.

-هنفضل طول عمرنا نسابق الزمن .. وفى الآخر هو برضه اللى هيسبقنا ..
أهم حاجة أننا فى وسط السباق ده .. لازم نعيش بجد.
-التغيير للأحسن مهم، لكن الثبات على التغيير أهم من التغيير نفسه.

-عارف حلها ايه؟ تقنع نفسك إن مهما حصل، الدنيا متهدتش يعنى! .. حتى لو اللى حصل ده هو إن الدنيا اتهدت فعلا.

-أصل السعادة دى برضه ليها ضريبة، أمال انت فاكر ان فيه حاجة ببلاش كده ولا ايه ؟

-كام واحد قالك هأفضل جنبك .. بصيت جنبك ملقيتهوش؟

-مش كتير شوية إن تلت عمرنا -على الأقل- بيضيع فى النوم ؟

-العقل .. هو النعمة اللى لو عندك عمرك ما هتاخد بالك منها، ولو مش عندك عمرك ما هتاخد بالك من غيابها.

-#عن الكتب والنسكافيه والشيكولاته والمزيكا ،والقلم والورقة ، وجدران غرفتى التى تحتوينى عندما يتحرك العالم بضع سنتيمترات إلى الوراء.
أنا محتاجة أعيش لحد ما أعرف كانت ايه الحكمة من إنى مموتش دلوقتى.وكان بيننا إتفاق ضمنى دون أن نتفق، بألا يبادر أحد منا بالسلام حين يرى الآخر.
وأغني لي فى فراشي لعلي أنام ..

Nostalgia -in english-

why do we appreciate memories to this extent? Why do we see them perfect even if they were filled with imperfection?
Maybe it is because they happened, we guarantee that they won't change; they won't hurt us in a different way unless we decided that, so we're not afraid of them.
Maybe because when we grow up we see them in a different way and realize their real value. Man misses everything once it belongs to the "past" time.

We all have memories related to places, people and things. How many times you saw something that you used to love when you were a little kid and smiled? Then you realized how silly you were to love such a simple thing that had nothing to be attractive or interesting at all. But, you still love to remember it. Actually you don't love these things for their nature; you love them because they remind you of a time that is not present anymore. A time when you were happy and free from responsibility. A time you discovered that it was much better than your current life but you've discovered this fact too late.

You miss people who take a great part of your heart when they left, or changed. You miss your old school, your teachers, your classmates, all the fun you had together, and even all the fights. You miss your old home, your grandparents, someone in your family who passed away. You miss your toys by which you played in your childhood, the games you used to play, and the songs you used to listen.

People love to keep their memories safe, remember them from time to time without getting them involved in their present by keeping them away and trying not to repeat them. They don't want them to be mutated, as memories are created only to be kept in the past. What's the use of trying to do the same things you did many years ago? You'll enjoy it for a while and then they'll lose their meaning. They won't be considered memories anymore. In addition, you won't have memories to remember them in the future about your current life as you've mixed your life details together.

You can't live in the past. You have to move on and enjoy being able to create new memories. Life is like a story; you can't stay in one chapter just because you loved it. You have to finish writing your own story and you can get some help from previous chapters, maybe lessons you've learned or wisdom you've got or a piece of advice that someone once told you. You can use it to draw a smile on your face in the hard times. When you feel that you've lost yourself, then get back to your box of memories and search for it. But you can’t stay there forever or you'll be captured for the rest of your life.

Do you know what the best part is? You always have the chance to end a chapter in your life and start a new one. Every day is a new beginning; don't waste it regretting that the previous day has ended.

كلمتين مُهمين كده ..

-كل مرة بتغلط فيها ومش بتوب فيه حتة فى قلبك بتموت.
-مش صعب أنك تخلى حد يحبك، الصعب أنك تبقى قادر تخليه يفضل يحبك.
-رفضك للواقع مش بيغيره، حاول تشوفلك طريقة تانية.
-الواحد ضيع أوقات كتير أوى من حياته علشان يفهم حاجات لو كان فتح عينيه من الأول بس شوية كان وفر وقت كتير أوى.
-اتعلم تحط كل حد فى مكانه المناسب عندك.
-أوعى تنسى أحلامك، أو تتجاهل أى حاجة كنت عايز تعملها بجد فى يوم من الأيام.
-هتكمل حياتك بكره ازاى وأنت ماشى باصص وراك لإمبارح؟
-لما فرصة تضيع من ايدك، احزن عليها دقيقة .. وبعدين انساها للأبد.
-اعرف أن أى حاجة مهما كانت صغيرة، بتفرق.
-حقيقى الامل بيأتى بالعمل، عايز تفضل متفائل؟ أفضل اشتغل.
-لو عايز تعمل حاجة، اعملها.
-متستعجلش تبدأ صفحة جديدة قبل ما تتأكد أنك حاولت قدر استطاعتك فى الصفحة اللى بين ايديك. ولو معرفتش تبدأها كويس وتستمر فيها كويس، يبقى على الأقل تنهيها كويس.
-"لما الدنيا تديك ضهرها، أدى ضهرك للدنيا" #تيمون
-مفيش حد مبيحبش يتكلم. بس فيه حد مبيرتحش فى الكلام إلا لناس معينة، ومع غيرهم مبيحبش يتكلم.
-الحياة مفيهاش إعادة.أى حاجة بتحصل بطريقة معينة مرة واحدة بس. الحاجات الوحشة اللى حصلتلنا مفيش حاجة هتبقى زيها بالظبط، واللحظات الحلوة اللى عيشناها عمر ما هنعيش زيها بالظبط تانى.
-ليه بنحتاج نسمع قصص نجاح ناس؟ ليه لازم نحس أن اللى عايزين نعمله ممكن يحصل وإن فيه دليل؟ ليه ميكونش احنا اللى نعمل قصة النجاح بتاعنا واللى الناس فاكراه مستحيل واحنا اللى نخليه ممكن؟
-تقبل ذاتك بأخطائها وعيوبها هو الخطوة الأولى للتغيير.
-واحدة من "التريكات" اللى فى الدنيا أنك تتعلم تستمع بكل حاجة بتعدى بيها سواء وحشة أو حلوة، تعيش كل لحظة زى ما هى، علشان هى دى الدنيا.
-الصبح وقت الأمل، وبليل وقت التفاؤل.
-الواحد المفروض يتعلم يصفى ذهنه طول الوقت، علشان بتضيع علينا لحظات كتير من حياتنا واحنا مش منتبهين معاها وبنفكر فى حاجات تانية.
-فيه فرق بين الإنسان اللى احنا نفسنا نكونه، والإنسان اللى احنا عليه بالفعل.
-عادى وطبيعى يعنى إن حاجات تحصل مش على مزاجك أو مش زى ما انت كنت مخطط لها أو حاببها تحصل، لو الأمور ممشيتش كما تشتهى السفن متاخدش كل حاجة على قلبك.
-ربنا قسم الفرحة بين الناس بالعدل.
-كل حاجة بتحصل لينا ليها سبب سواء عرفناه أو لأ.
-فيه ناس بتترعب من تغيير الظروف وكأن النجاح ده ليه سكة واحدة بس ولو رحت فى طريق تانى هتتوه، الحقيقة أن مهما اتغيرت الظروف، لو الأهداف موجودة هتوصل.
-الواحد بيقابل فى حياته نقط كتير ممكن تكون نقطة تحول، الفرق بيتهم وبين النقطة اللى حياته بتتغير عندها بجد انه ساعتها بيقرر إن التغيير هو الإختيار الوحيد.
-اللى بيصدق انه ضحية للظروف ده حد عايز يعيش حياته زى قطعة الشطرنج.
-الإختيار الأخير مش الإستسلام، لأن الإستسلام مش فى الإختيارات أصلاً.
-فيه ناس بتعيش سنة وكأنهم عشرين، وناس بتعيش عشرين سنة وكأنهم سنة.
-مش لازم تترعب من الفشل علشان تنجح لما ممكن تاخد الطريق الأضمن وهو الرغبة فى أنك تنجح.
#عن ناس كانوا أعز أصحابنا وبعدين مبقاش فيه بيننا كلام.
-أغلب ذكرياتنا بتبقى مشوهة وغير حقيقية، بتكون متغيرة بمشاعرنا ناحيتها وقتها أو بعدين لما افتكرناها.
-ممكن تهرب من أى حاجة فى الدنيا، بس عمرك ما هتعرف تهرب من نفسك.
-أنت تقدر تهدم نفسك بقوة أكبر من أى حاجة فى الدنيا.
-الأسوأ من الضيوف، هم الضيوف اللى بيتعاملوا مع بيتك وكأنهم فى بيتهم.
-الوقت بيعدى بسرعة، والأيام بتجرى زى البرق، لكن تفاصيل اليوم هى اللى بتغنيه، ممكن يكون يومك بأسبوع لو حابب!
-أحبب من شئت فإنك مفارقه، لو اتعلمت تعيش دايماً ساند على حد هيجى يوم من الأيام وتقع. المفروض الناس يكونوا يببخلوا حياتك أحلى بس من غيرهم حياتك تبقى حلوة برضه!
-قصر النظر فى الحياة مش حلو، مينفعش هدفك من حياتك يبقى تعمل حاجة النهارده، أو الأسبوع ده، أو لشهر، أو لسنين. خلى نظرك دايماً جايب الحاجة الكبيرة اللى فى آخر سكتك، وعمرك ما هتوه.
-الخيال حاجة كويسة، وأنك تعوض حاجة ناقصاك فى خيالك جميل. بس إن ده يكون سبب فى زيادة حزنك لما ترجع لأرض الواقع يبقى ده خيال مَرَضى.
-ازاى تتخلص من تعلقك الزيادة بتفاصيل الماضى الكتير؟ بسيطة، املى الحاضر بتاعك بتفاصيل أكتر.
-تقبل سوء المشاكل بتاعتنا هو الخطوة الأولى فى التعامل معاها، وحتى لو ملهاش حل، فكونك تعرف تتعامل معاها ده بيحسن الاوضاع جداً.
#عن أنك تكلم حد واحشك، فيوحشك أكتر.
-علشان حياتك تستقر، لازم تتعلم تحب اللى بتكرهه.
-السبب الرئيسى لزعلنا من الناس اننا مش بنقدر نحط نفسنا مكانهم للحظة، يمكن لو عملنا كده كنا احنا نفسنا زعلنا من نفسنا.

- تانى أسوأ حاجة ممكن تعملها بعد إنك ماتعملش plan هى إنك تعمل plan ومتعملش plan B .
- السؤال بقى، ياترى هتلحق تعيش قبل ما تموت؟
- ساعات بنستكتر على نفسنا إنجازات أكتر مادام حققنا إنجاز واحد، وبنفضل فرحانين بيه لوقت طويل وبننسى إن الإنجاز الحقيقى عمره ما بيبقى نقطة نهاية، إنما بيكون نقطة بداية!
- المنطق بيقول إن الواحد لما يزهق من حياته إنه يكون نفسه يعيش، مش نفسه يموت!
- الإنسان كائن ذكى بفطرته، غبى بتصرفاته.
- ساعات إختيار اليأس والإستسلام بيبقى أسهل إختيار متاح، وقتها أعرف إنك لو اتمسِّكت بالأمل هتبقى أقوى من أى وقت فى حياتك.
- الواحد عمره ما هيفهم حاجة بجد زى ما يجربها بنفسه.
- "المتفائل يرى فرصة فى كل صعوبة، والمتشائم يرى صعوبة فى كل فرصة."
- عارف الناس اللى انت مش عاجبهم دول؟ سيبك منهم إنت زى الفل!
- الواحد محتاج فى حياته كل شوية جرس إنذار ينبهه لحاجة معينة المفروض ياخد باله منها، المشكلة بقى لو الجرس ده موجود وبيرن وإنت مش سامعه !
- #عن دموعك لما تغسلها مية الوضوء.
- أى حد لما بيحط حاجة فى دماغه بيعملها، الجزء الصعب مش إنه يعملها لأ، الجزء الصعب هو غنه فعلاً يحطها فى دماغه.
- مش هتعرف تفرح لحد مزعلش لزعلك.
- مفيش حد هيقف جنبك على طول إلا إنت، ده طبعاً بعد ربنا.
- أصل هتزعل منهم ليه؟ إنت استنيت منهم حاجة وهم معملوهاش، مش غلطانين إنهم معملوهاش.. إنت الغلطان إنك استنيت أصلاً.
- فيه ناس عاملين زى القمر بالظبط، بيلمعوا من بعيد، ومن قريب مجرد جسم معتم لا يصدر الضوء من ذاته.
- الناس مجرد كومبارس فى قصة حياتك .. مينفعش تسيبلهم دور البطولة.
- الموت هو سفر بلا عودة، دون وداع.
- التناقض شىء مسلى، لكن فى الآخر لازم يكون عندك أرض ثابتة تبنى عليها شخصيتك بكل تناقضتها .. علشان كل اللى بنيته ميتهدش.
- إنك بتغلط ده مش مبرر لإنك تغلط تانى.
- الأصعب من إنك تكون مش قادر تسترجع أحداث يومك، هو إنك ميكونش عندك أحداث تسترجعها أساساً.
-غداّ يوم أفضل.
- كفاية كلام.

#أهو_كلام #التايهة